Në kuadër të Kamenica Summer Fest, ditën e djeshme në fshatin Roganë u mbajt Turniri i Futsallit ku morën pjesë 32 ekipe. Një garë e fortë me rivalitet sportiv solli emocione dhe duartrokitje të mëdha nga qytetarët, të cilët erdhën për të përkrahur ekipet e tyre.
Në këtë aktivitet Kryetari Kadri Rahimaj, mirëpriti Kryeministrin Albin Kurti, i cili ishte i pranishëm gjatë tërë mbrëmjes.
Kryetari Rahimaj përshëndeti të pranishmit dhe u uroi shumë suksese të gjitha ekipeve.
“Falëminderit të gjithëve për prezencën tuaj gjë kjo e cila dëshmon se ky turnir është një shembull i shkëlqyer i bashkimit të komunitetit tonë përmes sportit. Ne jemi shumë krenarë për pjesëmarrjen dhe angazhimin e të rinjve tanë, dhe do të vazhdojmë të mbështesim aktivitete të tilla”, ka thënë ai.
Në fjalën e tij Kryeministri Kurti përgëzoi Komunën e Kamenicës për organizime të tilla të përvitshme dhe falënderoi për mikëpritjen e ngrohtë që po iu bëhet.
“Ky turne përveçëse një organizim shumë i dashur për të gjithë, e ka një rëndësi të veçantë për Komunën e Kamenicës, sepse i kushtohet kujtimit të dëshmorëve të kombit, Selver dhe EMin Kryeziu, bijëve të Roganës që sakrifikuan jetën për çlirimin dhe lirinë e popullit tonë”, ka thënë ai.
Në fund, fituesit e turneut u shpallën:
Ekipi Martils – vendi i parë
Ekipi Kalaja – vendi i dytë
Ndërsa ju rikujtojmë që sot do të mbahet ndeshja miqësore e futbollit nga ora 18:00 në Stadiumin e Hogoshtit.
