Drejtoria Komunale e Arsimit ka organizuar Ligën e Futsallit në nivel komunal për shkollat (ShFMU), ku sot ka filluar xhiroja e parë e kësaj lige dhe janë zhvilluar dy ndeshjet e xhiros së parë të grupit A.
I pari i komunës, Qëndron Kastrati, ka thënë se është përmbushur edhe premtimi për aktivizimin e garave shkollore, ku angazhimi I mbështetësve professional po e dëshmon suksesin e nxënësve.
“Premtimin për aktivizimin e garave shkollore, e kemi përmbushur plotësisht. Angazhimi i mbështetëve profesional në secilin sport, po e dëshmon më së miri suksesin e nxënësve në disa disiplina. Garat shkollore, në formë të ligës komunale sot filluan mes ekipit nga Hogoshti e Shipashnica. Tifozllëk bëra për të dyja ekipet”, është shprehur ai.
Ndryshe Liga e Futsallit në nivel komunal pritet të zgjas deri më 09 mars 2021, ndërsa finalja do të mbahet më 10 qershor 2021.
