Arta Bajralija ka lindur më 12 prill 1991 në Kamenicë. Studimet universitare i ka përfunduar në Universitetin e Prishtinës, Fakultetin Ekonomik, në drejtimin Banka, Financa dhe Kontabilitet. Studimet master po ashtu i ka përfunduar në të njëjtin drejtim.
Karrierën profesionale e ka nisur në sektorin privat si kontabiliste, duke fituar përvojë të gjerë në fushën e financave dhe menaxhimit financiar.
Angazhimin politik e ka filluar në vitin 2017 në kuadër të Lëvizjes Vetëvendosje. Ka shërbyer si deputete e Kuvendit të Republikës së Kosovës në Legjislaturën e 7-të (2019–2021) dhe Legjislaturën e 8-të (2021–2025). Gjatë mandatit të fundit ka ushtruar edhe detyrën e Nënkryetares së Komisionit për Mbikëqyrjen e Financave Publike, duke kontribuar në forcimin e kontrollit parlamentar mbi shpenzimet publike dhe transparencën buxhetore.
