Në kuadër të përkrahjes së vazhdueshme për zhvillimin e sportit, Drejtori i Drejtorisë për Kulturë, Rini dhe Sport, Afrim Dervishi si dhe Nënkryetarja e Komunës, Arta Bajralija, kanë nënshkruar marrëveshjet me klubet sportive përfituese të mbështetjes financiare publike.
Përmes kësaj marrëveshje, klubet sportive do të kenë mundësi të realizojnë projektet dhe aktivitetet e planifikuara, duke kontribuar në avancimin e sportit dhe promovimin e vlerave sportive në Komunën e Kamenicës.
Gjatë takimit, Drejtori Afrim Dervishi,uroi të gjitha klubet përfituese duke treguar se kjo mbështetje financiare synon të ndihmojë klubet sportive në realizimin e aktiviteteve të tyre, promovimin e sportit dhe përfshirjen e sa më shumë të rinjve në aktivitete sportive.
‘’Komuna do të vazhdojë të mbështesë iniciativat që ndikojnë në zhvillimin e sportit dhe mirëqenien e qytetarëve’’, theksoi në fund Drejtori Dervishi.
