Drejtoria Komunale e Arsimit fton të gjithë prindërit çdo të premte prej orës 16:00, që të marrin pjesë në takimet që organizohen në Komunën e Kamenicës lidhur me vërejtjet e ankesa për subjektet e përfshira në procesin mësimor, të cilat si tërësi obligojnë DKA-në t`i trajtojë.

U.d drejtoresha e DKA-së, Mirhane Morina-Bislimi ka thënë se dhuna ndaj nxënësve çoftë fizike apo psikologjike është e patolerueshme, siç është edhe mësimdhënësi i papërgatitur para fëmijëve tuaj e nxënësve tanë, e që e determinon të ardhmen tonë të përbashkët.

Andaj, u.d drejtoresha Morina-Bislimi u bënë thirrje të gjithë pindërve që secilin rast, mangësi, kërkesë, ankesë apo vërejtje ta drejtojnë në këtë drejtori, sepse vetëm atëherë do ta kemi pasqyrën e vërtetë të ngjarjes dhe detyrën për të gjetur mundësinë e zgjidhjes. Ndër të tjera për të paraqitur ankesat apo vërejtjet e juaja për procesin mësimor, mund të drejtoheni edhe në numrin e u.d drejtoreshës +38345338132 (SMS, VIBER, WHATSAPP)

Ajo po ashtu ka shprehur mirënjohje për pjesëmarrjen e prindërve në takimet e mbajtura në këta tre muaj, duke i falenderuar për të qenit në dispozicion secilën herë kur është në pyetje nxënësi, dhe për këmbënguljen e tyre në atë që është në të mirë të tij dhe të ardhmes sonë.

Bashkë do të rregullojmë sistemin dhe do të ngrisim cilësinë në arsim, që është synim dhe detyrë e jona.