Drejtoresha e Drejtorisë për Pronë, Kadastër dhe Gjeodezi në Komunën e Kamenicës, Burbuqe Leka, ka marrë pjesë në Konferencën Ndërkombëtare të Çairit 2026, e mbajtur më 4–5 prill në Shkup.
Konferenca, e organizuar nga Aleanca Kombëtare e Këshilltareve Bashkiake, mblodhi përfaqësues nga rajoni, përfshirë Malin e Zi, Maqedoninë e Veriut, Shqipërinë dhe Luginën e Preshevës, ku u diskutuan sfidat e qeverisjes lokale dhe nevoja për ndryshime në qasjen politike ndaj qytetarëve.
Gjatë fjalës së saj, Drejtoresha Leka theksoi se modeli i qeverisjes në Kamenicë dëshmon se përmes vullnetit politik, transparencës dhe përkushtimit ndaj qytetarëve mund të arrihen rezultate konkrete. Ajo ndau gjithashtu praktikat më të mira të komunës, duke e paraqitur Kamenicën si shembull të një qeverisjeje që vendos qytetarin në qendër dhe fuqizon rolin e grave në vendimmarrje.
Në përfundim Drejtoresha Leka theksoi se qeverisja lokale duhet të jetë më afër qytetarëve dhe më e guximshme në ndërmarrjen e reformave që sjellin zhvillim të qëndrueshëm.
