Takimin e ka udhëhequr koordinatorja e HK –it, Hyrmete Morina,e bëri prezantimine projektit “ Qasje për të gjithë”. Ajo në fjalën e saj ka thënë se Komuna e Kamenicës, e ka aprovuar planin komunal të veprimit për personat me aftësi të kufizuar. Prandaj Handikos, në bashkëpunim me të gjithë partnerët për së afërmi po e monitorojnë implementimin e këtij plani.Plani në fjalë i aprovuar në vitin e kaluar përfshin jetën pa pengesa ,shërbimet,edukimin,punësimin,kualifikimet profesionale, legjislacionin dhe informacionin. Morina përsëriti se në objektet shkollore dhe objekte tjera publike të ndërtuara pas luftës, nuk kanë të ndërtuar fare staza për qasje për personat me aftësi të kufizuara. Poashtu përmendi se mungojnë vend parkingje për personat me aftësi të kufizuara para marketeve edhe disa institucioneve tjera. Me përpjekjen e Handikos-it, situata është përmisuar ,mirëpo ende ka vend për të ndryshuar gjendjen. Stafi i Handikos-it, ka vizituat 17 shkolla ,një çerdhe dhe ka pasur disa takime me autoritetet komunale , OJQ- t që veprojnë në Kamenicë. Sipas saj nuk është vetëm ndërtimi i një staze të hyrjes në objekte publike, por edhe plotësimi i kushte tjera .
Rekomandim nga diskutimet doli që plani i veprimit të zbatohet në bashkëpunim me komunën dhe partnerët tjerë.
